Nga mesnata do të ulet çmimi i benzinës, çmimi i dizelit mbetet i njëjtë

Nga mesnata çmimi benzinës do të lirohet për një denar, gjegjësisht për 1.5 denar, derisa ai i dizelit mbetet i pandryshuar. Kështu vendosi sot Komisioni Rregullator për Energjetikë (KRRE), njofton Alsat.

Sipas vendimit të KRRE-së Eurosuper BS 98 do shitet për 1.5 denarë më lire dhe do të kushtoj 68.50 denar për litër, Eurosuper BS 95 do të lirohet për një denar dhe do të shitet për 66.50 denarë për litër.

Çmimi i dizelit nuk do të ndryshoj, që nënkupton se edhe gjatë kësaj jave do të shitet 62 denarë për litër.