Për herë të parë në RMV, planifikohet të zbatohet “veting”

Procesi kontrollit të integritetit, punës dhe profesionalitetit të të punësuarve, apo i ashtuquajtur “veting”, për së pari herë do të zbatohet në Maqedoninë e Veriut. Ky proces do të fillojë me Ministrinë e Punëve të Brendshme, ndërkaq grupet punuese kanë filluar përgatitjet, njofton Portalb.mk.

Grupi punues për “veting” në MPB, të enjten e kanë mbajtur mbledhjen e parë interne, e cila ka qenë e mbyllur për opinionin. Nga MPB, thonë se mbledhja e parë ka qenë me karakter teknik, ndërkaq pas kësaj planifikojnë që të bëhen organizime të ndryshme me qëllim të informimit të qytetarëve me rrjedhën e procesit.

Derisa përfaqësuesit e MPB-së, janë në “ethe” se kush do të dalë “i pastër” e kush jo, ekspertët e konsiderojnë idenë për “veting” edhe në gjyqësor, madje edhe në politikë.

Sipas tyre, për realizimin e vetingut, fillimisht duhet të bëhen analiza dhe parashikime, të sigurohet program se si do të zbatohet procesi, të sigurohen mjete, përgatiten institucionet, ndërkaq më pas të fillojë zbatimi. Ata i japin 8 rekomandime për institucionet që duhet të zbatojnë “veting”.

Sfera më e brishtë në RMV është gjyqësori, pasi që ende nuk është pastruar, si rezultat i ndikimeve partiake. Gjendja e tillë me vite të tëra theksohet në raportet e institucioneve dhe organizatave ndërkombëtare dhe të brendshme. Bashkimi Evropian ka qenë shumë i qartë në kërkesën e tyre për reforma në gjyqësor, vite me radhë.

• LEXO: RMV, ekspertët japin 8 rekomandime për institucionet që duhet të zbatojnë “veting”
• LEXO: Vetingu në MPB dhe si të mënjanohen ndikimet partiake

“VETINGU është procesi që shërben për përjashtimin e zyrtarëve publik, të cilët nuk kanë integritet në përmbushjen e detyrës dhe në këtë mënyrë, rikthehet besimi i publikut në punën e institucioneve shtetërore. Procesi i vetingut, si rregull, kryhet duke kontrolluar figurën e dikujt përpara se t’i ofrohet një vend pune. Në varësi të vendit të punës ose të projektit, procesi i “vetingut” mund të bazohet në kontrollin e aftësive, personalitetit, pasurisë ose të ndonjë faktori tjetër që lidhet me qëllimin e “vetingut”.

Lexo gjithçka për reformat në gjyqësor, përfshirë edhe “vetingun”: KËTU