Në pikën kufitare Tabanoc janë kapur 350 kilogramë marihuanë

Shërbimet doganore në pikën kufitare Tabanoc, kanë parandaluar trafikim të 350 kilogramëve drogë marihuanë, njofton Portalb.mk.

“Më 29 mars të vitit 2019-të në ora 01:0, doganierët në pikën kufitare Tabanoc, gjatë kontrollit të automjetit ngarkues VOLVO të drejtuar nga një shtetas i Shqipërisë F.B. (62), janë gjetur rreth 350 kilogramë drogë marihuanë. Droga është gjetur pas kontrollit të detajuar, ndërkaq e njëjta ka qenë e paketuar në 130 paleta për transport të luleve”, thonë nga Dogana e Maqedonisë.

Kundër F.B. është dorëzuar padi penale për “Prodhim të paautorizuar dhe lëshim në treg të drogave narkotike”.