Kryeministri Zaev: Fiskalizimi i taksive do ta eliminojë ekonominë e zezë
Çështja e taksistëve transportues ilegal, e fiskalizimit të taksive, si dhe aplikimi i subvencioneve për taksi elektrike, ka qenë tema e diskutimit mes kryeministrit të Maqedonisë së Veriut, Zoran Zaev dhe Asociacionit të Taksistëve Transportues Legal (ATTL), njofton Portalb.mk.
Siç thuhet në njoftimin e Qeverisë, Zaev ka shprehur mbështetje sidomos në pjesën e fiskalizimit të taksive, për shkak të eliminimit të ekonomisë së zezë dhe për rritjen e cilësisë së shërbimit për qytetarët.
