Kosovë, hetimet rreth vdekjes së Asanajt drejt përfundimit

Procesi i hetimeve në rastin e Dino Asanajt është në fazën përfundimtare, tha prokurori i çështjes, Blerim Isufaj duke pohuar se shumë shpejt do ta thuhet fjala përfundimare.

Në dispozicion ai ka edhe të gjeturat e hetuesve të FBI-së. Express shkruan se brenda shtatorit, merret vesh nëse do të ngritet ndonjë aktakuzë për vdekjen misterioze të ish-Shefit të AKP-së.

Me 14 qershor, nga plagët e marra me thikë, kishte vdekur Dino Asanaj, Shefi i Agjencisë Kosovare të Privatizimit. Ngjarja ndodhi në Prishtinë,në zyrën e Asanajt, por mbeti i paqartë motivi i këtij akti, edhepse ekpertët e forensikës thanë që ishte vetëvrasje./Portalb