Majlinda Kelmendi ka rrëmbyer edhe një medalje të artë
Xhudistja nga Kosova Majlinda Kelmendi, ka fituar medaljen e artë, në garën e të enjtës, që është mbajtur Grand Prix “Tel Aviv”, transmeton REL.
Ajo ka mposhtur në finale izraeliten Gili Cohen, me ippon, në kategorinë deri në 52 kilogramë.
Lajmin për fitoren e Kelmendit e ka bërë të ditur trajneri i Xhudos, Driton Kuka në një postim në rrjetin social, Facebook.
Xhudistja Majlinda Kelmendi, e kurorëzuar me titullin Kampione bote dhe Kampione olimpike, është vetëm njëra nga shumë xhudistët tjerë që me suksesin e tyre në fushën e sportit, bënë që shtetin e Kosovës ta njohë bota.
