Mijallkov do të dalë nga burgu i Shutkës, Janeva e bindur se nuk do të ikë si Gruevski

Edhe ish-drejtori i DSK-së, Sasho Mijallkov, i cili është një nga të dyshuarit në rastin “Perandoria” ka marrë paraburgim shtëpiak, pasi në këtë rast më parë iu shqiptua masë paraburgimi të akuzuarve tjerë në rastin Jordan Kamçev, Nenad Josifoviq, Zorica Arsovska dhe Cvetan Pandellevski, transmeton Portalb.mk.

“Duke vepruar sipas propozimit të Prokurorisë Speciale Publike, gjykatësja e procedurës paraprake e pranoi propozimin e heqjes së masës së paraburgimit dhe përcaktimin e masës paraburgim shtëpiak për të akuzuarin S.M., në rastin e Prokurorisë me emrin ‘Perandoria’”, njoftuan për MIA-n dje nga Gjykata Themelore Shkupi 1.