Tre avokatë hoqën dorë nga Nikolla Gruevski
Në seancën e sotme gjyqësore për lëndën “Dhuna në Komunën Qendër”, gjykatësi kumtoi se tre avokatët Dimitar Draganov, Boro Tasevski dhe Sterjo Zikov, të cilët në këtë lëndë e kanë përfaqësuar të arratisurin ish kryeministrin Nikolla Gruevski, kanë hequr dorë nga autorizimi, njofton Portalb.mk.
Gruevskit i është ndarë avokat sipas detyrës zyrtare, gjegjësisht tani do ta mbrojë Petar Dimovski.
Përveç Gruevskit, në këtë lëndë të akuzuar janë edhe ish ministri i Transportit dhe Lidhjeve Mile Janakieski, deputetja Daniella Rangellova, ish këshilltari në Komunën e Gazibabës Toni Trajkovski dhe tjerë.
Ndryshe, Trajkovski sot u paraqit në Gjykatën Penale, pasi që javën e kaluar u fotografua në Budapest bashkë me Gruevskin.
- LEXO: Trajkovski që ishte në shoqëri të Gruevskit në Hungari: Shkova për sinuset
- LEXO: 14 organizata dhanë 10 ditë afat, kërkojnë përgjegjësi nga institucionet për arratisjen e ish-kryeministrit Gruevski
- LEXO: Pse Nikolla Gruevski zgjodhi të ikë pikërisht te Viktor Orbani?
Gruevski më 20 nëntor një letre të gjatë shpjegoi se si ka arritur të fitojë azil nga autoritetet hungareze. Më 13 nëntor, Gruevski u paraqit në rrjetin social Fejsbuk se e ka lëshuar Maqedoninë për shkak të kërcënimeve dhe ka kërkuar azil politik në Hungari. Njoftimi i Gruevskit erdhi pasi që MPB-ja lëshoi fletë-arrest. Shkuarja e Gruevskit në Budapest ka ardhur pas njoftimit të Gjykatës në Maqedoni që i njëjti të paraqitet në Burgun e Shuto Orizares për ta vuajtur dënimin me burg prej dy vjetësh në rastin “Tank” të prokurorisë Speciale Publike për furnizimin e mercedesit e vlerë pre rreth 600.000 euro.
Gruevski, edhe pse s’ka pasur pasaportë ai në Hungari ka arritur nga Shqipëria, ku me ndihmën e diplomatëve hungarez ka kaluar në Mal të Zi, Serbi dhe në fund në shtetin me të cilin udhëheq konservatori dhe miku i tij, Viktor Orban.