U hoq “shqiponja” në Tiranë e financuar edhe nga Lazim Destani, Edi Rama e quajti vulgaritet në piedestal
Me iniciativë të kryeministrit të Shqipërisë, Edi Rama, gjatë ditës së sotme është hequr simboli i shqiponjës i vendosur në vendin e qujtuar “Rrethrrotullimi i Doganës” në hyrje të Tiranës, njofton Portalb.mk.
Shqiponja e çelikët me lartësi prej 10 metra, është vendosur në vitin 2012, me rastin e 100 vjetorit të Pavarësisë në një ceremoni të organizuar asokohe nga kryeministri Sali Berisha dhe kreu i Bashkisë Lulzim Basha, ndërkaq në vendosjen e kësaj figure kishte kontribuar dhe Lazim Destani.
Shqiponja është hequr pasi që në vend të rrethrrotullimit do të ndërtohet mbikalim për lehtësimin e lëvizjes së mjeteve në këtë nyje shumë të rëndësishme të kryeqytetit.
Pas heqjes së shqiponjës nga sheshi, kryeministri, Edi Rama, përmes një statusi në profilin e tij në Twitter, këtë figurë e quajti vulgaritet në piedestal.
“Kurrë vulgariteti s’kishte hipur me më shumë prepotencë në një piedestal, se sa në rastin e kësaj “shqiponje” në mesin e një skenografie pseudoklasike prej hyrjeje në kazino, që natën e bënte hyrjen e Tiranës si skenën e një filmi nga një tregim i Edgar Alllan Poe-s! Më në fund”, shkruan Rama në Twitter.
Kurrë vulgariteti s’kishte hipur me më shumë prepotencë në një piedestal, se sa në rastin e kësaj “shqiponje” në mesin e një skenografie pseudoklasike prej hyrjeje në kazino, që natën e bënte hyrjen e Tiranës si skenën e një filmi nga një tregim i Edgar Alllan Poe-s! Më në fund? pic.twitter.com/mMfnEa9US2
— Edi Rama (@ediramaal) November 11, 2018
Artist! Shqiponja petashuqe e lekut nuk mund të bëhet dot monument tredimensional, sepse kthehet në horror, mu ashtu siç ishte në hyrje të Tiranës me vite me radhë! Po ti s’ke faj, përpara petashuqes bëhesh petë, lekë, lekë, lekë.Nejse,lëre shqiponjën, iku! Shiko veten Artist?
— Edi Rama (@ediramaal) November 11, 2018