Meta rrëzoi Sandër Lleshin për ministër, Rama mesazh deputetëve
Kreu i Shtetit, Ilir Meta nuk dekretoi propozimin e kryeministrit Edi Rama, Sandër Lleshin si ministër të Brendshëm.
Në reagimin e shkurtër të Presidencës thuhej se Presidenti nuk ka krijuar bindjen e plotë për dekretimin e Lleshit, transmeton Gazeta Express.
“Presidenti i Republikës, Sh.T.Z Ilir Meta nuk ka krijuar bindjen e plotë për t’i dhënë besimin kandidaturës së Z.Sandër Lleshaj si ministër i Brendshëm”, njoftoi Presidenca.
Ndërsa pas këtij lajmi, duket se mazhoranca do të qëndrojë në heshtje, këtë e konfirmon edhe vetë kryeministri Rama me një sms të nisur në adresë të deputetëve.
“Lutem asnjë lloj komenti askujt për vendimin e Presidentit!
Ne jemi shumica dhe ne kemi detyrën t’i dalim Zot njerëzve, vendit, Kushtetutës me maturi dhe vendosmëri.
Politika është shah, mos e harroni”, shkruan Rama.
