Dimitrov premton domate për vendet që do e përkrahin Maqedoninë për fillim të negociatave (FOTO)
Ministri i Punëve të Jashtme të Maqedonisë, Nikolla Dimitrov përmes rrjeteve sociale Facebook dhe Twitter premtoi se do t’ju dhurojë domate të gjitha vendeve që do ta përkrahin fillimin e negociatave të Maqedonisë me Bashkimin Evropian, transmeton Portalb.mk.
“Domatet më të shijshme në botë, pa konkurrencë! Vendi që do të qëndrojë pas Maqedonisë javën e ardhshme, do t’i dërgojmë domate me postë”, shkroi ministri i Punëve të Jashtme, Nikolla Dimitrov në rrjetin social Facebook dhe Twitter.
