Trump: Ende po negociojmë me verikoreanët për mbajtjen e samitit
Presidenti amerikan, Donald Trump ka konfirmuar se një nga zyrtarët më të lartë të Koresë Veriore është nisur drejt Nju Jorkut për të biseduar rreth mbajtjes së samitit në mes të Trumpit dhe liderit verikorean, Kim Jong Un.
Përmes një postimi në Twitter më 29 maj, ai ka thënë se Shtetet e Bashkuara kanë mbledhur një “ekip shumë të mirë” për bisedime me verikoreanët dhe se negociatat për samitin janë duke u zhvilluar ende, transmeton REL.
Trump ka njoftuar se nënkryetari i Koresë së Veriut, Kim Young Chol, është nisur drejt Nju Jorkut.
“Përgjigje e plotë ndaj letrës sime, faleminderit!”, është shprehur ai.
We have put a great team together for our talks with North Korea. Meetings are currently taking place concerning Summit, and more. Kim Young Chol, the Vice Chairman of North Korea, heading now to New York. Solid response to my letter, thank you!
— Donald J. Trump (@realDonaldTrump) May 29, 2018
Takimi në mes të Trumpit dhe liderit verikorean, Kim Jong Un ishte planifkuar të mbahej më 12 qershor në Singapor, mirëpo dilemat për samitin janë ngritur kur Trump ka njoftuar se është tërhequr nga i njëjti.