Lamtumira e mallëngjyer e Wenger: Dua t’ju them vetëm një gjë…
Pesë gola ndaj Burnley, paradë nderi dhe një “Emirates” i mbushur plot dhe i mallëngjyer për ndeshjen e fundit në shtëpi të Arsene Wenger në drejtim të Arsenal. Trajneri francez është përshëndetur me “Topçinjtë” dhe Premeir League pas 22 vitesh. Të dielën e ardhshme do të vijë lamtumira përfundimtarë ne fushën e Huddersfield, transmeton Telespot.
Në fund të ndeshjes, Wenger ka përshëndetur i mallëngjyer popullin e tij: “Ka qenë një aventurë e mrekullueshme. Ndihem i nderuar që kam qenë me ju për shumë vite”.
“Para së gjithash, jam një nga ju, një tifoz i Arsenal. Ky grup lojtarësh që po lë është i veçantë. Ju kërkoj t’i mbështesni sezonin e ardhshëm. Dua t’ju përshëndes me një frazë të vetme: do të më mungoni. Keni përfaqësuar një fazë të rëndësishme të jetës sime dhe shpresoj të takohemi përsëri shumë shpejt”, ka thënë Wenger.
“You don’t stop the love story from one day to the next. That will never end.” – Arsène Wenger ❤#MerciArsène pic.twitter.com/WtpX5kc6tC
— Arsenal FC (@Arsenal) May 6, 2018
