Zidane tregon nëse Real Madrid do t’a bëjë gardën e kampionit për Barcelonën

Zinedine Zidane ka njoftuar se Real Madrid nuk do ta bëjë gardën nderuese për Barcelonën pas triumfit të ekipit katalan në La Ligë.

Trajneri i “Los Blancos” ka theksuar se as Barcelona nuk e kishte bërë për rivalin në të kaluarën.

“Nuk do ta bëjmë sepse nuk e kishin bërë as ata, por unë i respektoj”, deklaroi Zidane në konferencë për media, përcjell “lajmi.net”.

“Kemi respekt për atë që ka bërë Barcelona, triumfi në La Ligë është mjaft i komplikuar. E uroj Barcelonën, ky është respekt”, u shpreh ai.