Pompeo: Trump ende nuk ka vendosur për marrëveshjen bërthamore me Iranin
Sekretari amerikan i Shtetit, Mike Pompeo të premten deklaroi se Presidenti Donald Trump nuk ka vendosur ende nëse do të tërhiqet nga marrëveshja bërthamore me Iranin, transmeton Anadolu Agency (AA).
“Mungon një rregullim thelbësor, duke mos tejkaluar të metat, të metat e marrëveshjes. Ai vështirë se do të qëndrojë në këtë marrëveshje pas majit”, tha Pompeo para gazetarëve pas takimit të ministrave të Jashtëm të NATO-s në Bruksel.
Trump e konsideron marrëveshjen bërthamore me Iranin “të marrë” dhe “marrëveshjen më të keqe ndonjëherë” dhe ka kërcënuar me tërheqjen e SHBA-së, përveç nëse Washingtoni dhe aleatët e saj evropianë arrijnë një marrëveshje anësore me kushtet që nuk lidhen me marrëveshjen origjinale që përfshin aktivitetet rajonale të Iranit dhe programin e raketave balistike.
Por, nënshkruesit e tjerë të Paktit, Britania e Madhe, Franca, Gjermania, Bashkimi Evropian, Kina dhe Rusia, e shohin marrëveshjen si mënyrën më të mirë për të parandaluar Iranin nga blerja e armëve bërthamore. Irani ka mohuar fuqimisht se programi i saj ka për qëllim zhvillimin e armëve bërthamore.
Trump deri më 12 maj ka afat për të vendosur nëse do të vazhdojë me zbutjen e sanksioneve ndaj Iranit me ose pa marrëveshjen që ka kërkuar. Nëse ai ndërpret zbutjen, marrëveshja ka gjasa të mëdha që të prishet.
Duke thënë se ai u mirëprit ngrohtësisht nga homologët e tij në takimin e parë të tij në NATO, Pompeo tha: “E bëra të qartë sot se SHBA-të janë të etur të vazhdojnë të udhëheqin me NATO-n”.
Ai shtoi se Rusia ka kërcënuar aleatët si në aspektin ushtarak ashtu edhe demokratik.
“Rusia kërcënon aleatët dhe partnerët edhe ushtarakisht dhe përmes një fushate agresive për të minuar institucionet demokratike perëndimore”, tha ai duke shtuar se SHBA-të “nuk do të donin asgjë më shumë se t’i bashkangjiten botës demokratike”.
Pompeo tha se takimi i korrikut, i cili do të mbahet në Bruksel, do të përqendrohet në tre prioritete: “rritja e shpenzimeve të mbrojtjes dhe ndarja e barrës, forcimi i parandalimit dhe mbrojtjes së NATO-s dhe luftimi i terrorizmit”.
Ai gjithashtu përshëndeti Presidentin e Koresë së Jugut, Moon Jae-in dhe udhëheqësin e Koresë së Veriut Kim Jong-un për takimin e tyre historik të premten.
Udhëheqësit e Koresë së Veriut dhe Jugut ranë dakord për “denuklearizim të plotë” dhe paqe të qëndrueshme në Gadishullin Korean, kanë njoftuar mediat lokale.
Marrëveshja u arrit gjatë samitit historik midis Moon dhe Kim në Zonën e Përbashkët të Sigurisë në Panmunyom.
“Të dy liderët solemnisht deklaruan se nuk do të ketë më luftë në Gadishullin Korean dhe fillimin e një epoke të re të paqes”, thanë ata në një deklaratë të përbashkët pas samitit, njoftoi Agjencia e Lajmeve të Koresë së Jugut, Yonhap.
