Athletic Bilbao transferon mbrojtës në vlerë prej 32 milionë euro
Klubi i Ligës së parë spanjolle (La Liga), Athletic Bilbao, ka transferuar mbrojtësin spanjoll Inigo Martinez nga Real Sociedad në vlerë prej 32 milionë euro, transmeton Anadolu Agency (AA).
Në njoftimin e bërë nga klubi theksohet se është arritur marrëveshje me mbrojtësin 26 vjeçar deri në fund të sezonit 2022-23.
Klaozola për lirimin e futbollistit spanjoll është 80 milionë euro.
Athletic Bilbao, kishte dërguar mbrojtësin francez, Aymeric Laporte në Manchester City, me klaozolë në vlerë prej 65 milionë euro.