Aleanca për Shqiptarët: 550 vjetori i Skënderbeut, ditë reflektimi për të qenë të bashkuar
Partia Aleanca për Shqiptarët, 550 vjetorin e vdekjes së heroit kombëtar, Gjergj Kastriot Skënderbeu e shohin si ditë ku duhet të reflektojmë si komb, që elementin e bashkimit ta ngrisim mbi interesat krahinore, njofton Portalb.mk.
“Sigurisht se me figurën e Skënderbeut krenohet e gjithë bota dhe ne duhet të ndjehemi krenarë që i takojmë një kombi kaq fisnik që i ka dhënë botës heronj dhe figura të rëndësishme historike. Elementi që e karakterizon figurën e Skënderbeut, përveç heroizmit dhe betejave të lavdishme është edhe dëshira e tij për të bashkuar kombin. Prandaj, sot, është dita kur duhet të reflektojmë si komb dhe këtë element të bashkimit ta ngrisim mbi interesat krahinore, grupore e individuale si dëshmi që jemi pasardhësit e një heroi me përmasa botërore”, thuhet në kumtesën e Aleancës për Shqiptarët.
