Maqedoni, prej sonte shi dhe borë

Nga fundi i ditës edhe nesër në orët e mëngjesit do të ketë reshje lokale kryesisht të borës, të cilat më shumë do të jenë të përfaqësuara në pjesët perëndimore, ku pritet të formohet mbulesa e re e borës, informoi Drejtoria për punë hidrometeorologjike.

Pastaj në ditët në vijim moti do të jetë stabil dhe i thatë, nga e premtja nëpër lugina dhe në luginat lumore, do të ketë paraqitje të mjegullës dhe vranësira të ulëta.

Sipas paralajmërimit nga DPHM, sot do të jetë me vranësira të ndryshueshme me periudha dielli dhe me erë të dobët deri mesatare nga drejtimi veriperëndimor, i cili do të jetë më i shprehur përgjatë vardarit, ku edhe do të përforcohet. Nga fundi i ditës drejt të enjtes vranësirat do të rriten sidomos në pjesët perëndimore të vendit. Temperatura maksimale do të arrijë nga 4 deri në 10 gradë.

Në Shkup, mot me vranësira të ndryshueshme me periudha me diell dhe me erë mesatare deri të përforcuar. Temperatura maksimale do të arrijë deri 8 gradë.