Presidenti i Venezuelës, Maduro përshëndet dërgimin e liderit të opozitës Lopez në arrest shtëpiak
Presidenti i Venezuelës, Nikolas Maduro e ka mbështetur vendimin që lideri i opozitës Leopoldo Lopez është transferuar nga burgu ushtarak në arrest shtëpiak.
Maduro në një fjalim televiziv ka theksuar se ky vendim i kontribuon paqes në vend.
Lopez ka lënë kështu qelinë pasi ka shlyer tre nga 14 vitet e dënimit, të dhënë në vitin 2014 për nxitje të dhunës gjatë protestave anti-qeveritare.
Ai po mbahej në një burg në afërsi të kryeqytetit Karakas dhe gjithmonë ka pretenduar për pafajësi.
Venezuela ka përjetuar së fundmi një valë masive protestash anti-qeveritare, të ngjashme me ato për të cilat Lopez u akuzua dhe u fut në burg.
Opozita në Venezuelë kërkon zgjedhje të parakohshme dhe akuzon presidentin Maduro se ka keqmenaxhuar ekonominë