Mijallkov pas dy orë e gjysmë doli nga Prokuroria Speciale

Ish shefi i Policisë Sekrete, Sasho Mijallkov, sot ka qenë në në Prokurorinë Speciale, rreth dy orë e gjysmë ka dhënë dëshmi, njofton Portalb.mk.

Ende nuk dihet nëse Mijallkov është ftuar në cilësinë e të dyshuarit në rastin “Tortura”, gjegjësisht për arrestimin e Lube Boshkoskit, ose bëhet fjalë për rast tjetër, gjegjësisht për “Target”, për përgjime të paligjshme.

Ai në PSP, ka arritur bashkë me avokatin e ri Lupço Shvrgovskin, i cili më herët ka qenë prokuror shtetëror.

Ashtu sikur edhe kur hyri, Mijallkov, nuk u përgjigj ndaj pyetjeve të gazetarëve as kur doli nga hapësirat e PSP-së.