PSP nuk e përfill garancinë milionëshe të biznesmenit Koçan, kërkon paraburgim
Prokuroria Speciale Publike nuk tërhiqet nga kërkesa që afaristit Sead Koçan, i dyshuar në rastin “Trust”, t’i caktohet masa e paraburgimit. Gjatë seancës së sotme prokurori i PSP-së Gabriel Bubevski tha se garancia financiare që biznesmeni i ofroi Gjykatës nuk është dëshmi e mjaftueshme se ai nuk do e përsërisë veprën, njofton Alsat-M.
Nga ana tjetër pala mbrojtëse thotë se garancia financiare me vlerë prej afër 1 milion eurosh të cilën e ofroi Sead Koçan, është legjitime dhe është praktikë në të gjitha vendet demokratike.
Sipas avokatit të Sead Koçan, Nikolla Dodevski, PSP nuk ka arsye pse të insistojë për paraburgim përderisa i dyshuari ka lënë një shumë të madhe si garanci. Takimi i panelit të Penales për ankesën e PSP-së zgjati rreth 1 orë e gjysmë. Gjykata ka 48 orë kohë për t’iu përgjigjur ankesës e cila është paraqitur një ditë më parë.
LEXO: “Trust”, PSP-ja dyshon në sëmundjen e Koçanit
LEXO: Rasti “Trust”, nuk ka paraburgim për Sead Koçanin
LEXO: Rasti “Trust” me falsifikim dokumentesh disa kompani kanë përfituar mbi 17 milionë euro
LEXO: “Trust”, ja kush janë përfituesit e mbi 17 milionë eurove nëpërmjet dokumentave të falsifikuara
