Nesër vazhdon seanca konstituive e Kuvendit
Siç është paralajmëruar seanca konstituive do të vazhdojë nesër, e hënë, por se ende nuk dihet se në cilën pikë të rendit të ditës do të diskutohet, atë të formimit të Komisionit për Zgjedhje dhe Emërime apo të kalohet në pikën e katërt, zgjedhja e kryetarit të Kuvendit, njofton Portalb.mk.
Lista e folësve të paraqitur ende nuk është shterur ndërsa në vend të diskutimit deri të enjten seanca mbahej me replika, kundër- replika nga deputetët e VMRO DPMNE-së dhe vërejtje procedurale nga LSDM.
Pasi të enjten seanca ishte e ndërprerë, filluan kundërshtimet partiake përmes njoftimeve nga VMRO DPMNE dhe LSDM, ku VMRO DPMNE paralajmëroi që LSDM të mos tentoj të ndryshojë rendin e ditës ndërsa LSDM me përgjigje se VMRO DPMNE duhet të pranojë në mënyrë demokratike kalim të qetë të pushtetit.
