Majkël Flin ka marrë rreth 34 mijë dollarë nga “Russia today”
Ish-këshilltari për siguri kombëtare i Shtëpisë së Bardhë, Majkël Flin, ishte paguar nga kompanitë ruse me 67 mijë dollarë, para zgjedhjeve presidenciale, tregojnë dokumentet e publikuara mbrëmë nga anëtari demokrat i Dhomës Përfaqësuese, Elijah Kamings, nga shteti Merilend.
Demokrati Kamings ka kërkuar nga administrata e presidentit amerikan, Donald Trump, që të paraqes shënime gjithpërfshirëse për kontaktet e Flinit me qeveritë e jashtme dhe interesat e tij.
Flini kishte marrë 33,750 dollarë nga kanali televiziv “Rasha Tudej”, që udhëhiqet nga qeveria e Rusisë, për paraqitje në një zhvillim në Moskë në dhjetor të vitit 2015, disa muaj para se Flin formalisht të caktohej këshilltar i fushatës Tramp.
Kamings thotë se pranimi nga ana e Flin i pagesës së kanalit televiziv RT, paraqet shkelje të dispozitave për të ardhura në Kushtetutën e Shteteve të Bashkuara, sipas së cilës nuk lejohet që oficerët e pensionuar ushtarakë të marrin dhurata nga fuqitë e jashtme.
Pos, pagesës nga RT, Flin i kishte marrë edhe 11,250 dollarë për dy fjalime në Uashignton, nga dy kompani ruse.
Atij i ishin paguar edhe shpenzimet për vendosje në hotelet luksoze të Majkëll Flinit dhe djalit të tij, gjatë udhëtimit në Moskë.
