Lideri i LSDM-së Zaev nesër kërkon mandatin nga presidenti Ivanov
Kryetari i LSDM-së, Zoran Zaev më së voni deri nesër do të kërkojë që presidenti Gjorge Ivanov të aprovojë marrjen e mandatit nga ana e tij për formimin e Qeverisë së re të Maqedonisë.
LEXO: Ja pritjet se si mund të veprojë presidenti Ivanov lidhur me dhënien e mandatit
“Nderi është i imi dhe i LSDM-së, që thuajse pas 11 viteve regjim, fitojmë mundësi që ta formojmë Qeverinë demokratike në Maqedoni. Angazhimet tona të forma janë që ajo të jetë Qeveri reformuese në të cilën, prioritet janë qytetarët e Maqedonisë”, tha kryetari i LSDM-së, Zoran Zaev, pasi që Kryesia Qendrore dhe partia e zgjodhën për mandatar për formimin e Qeverisë së re, njofton Portalb.mk.
Ai shtoi se “pason një periudhë ku do të përkushtohen në vendosjen e programit kualitativ qeveritar, të cilën do ta realizojnë politikanët e përgjegjshëm, të cilët do të bëjnë politika reale, ashtu sikur zgjodhën qytetarët e Maqedonisë”.
LEXO: BESA dhe Aleanca të gatshme t’i japin nënshkrimet LSDM-së
“Morëm obligim për jetë për çdo njeri në Planin për Jetë. LSDM sjell jetë për të gjithë qytetarët e Maqedonisë”, tha Zaev, përpara anëtarëve të Kryesisë Qendrore.
Zaev i informoi kryetarët e Kryesisë Qendrore të LSDM-së, deputetët, krerët e organizatave komunale, kryetarët e komunave nga radhët e LSDM-së, për rrjedhën dhe përmbajtjen e bisedimeve me partitë politike prej të cilëve kanë marrë mandate në Kuvendin e Maqedonisë.
