Në panair, siç informojnë nga Agjencia, është shprehur interes i madh nga vizitorët izraelitë dhe dëshirë për vizitë në Maqedoni nga ana e gazetarëve.
Komuniteti turistik i biznesit i Izraelit ka treguar interes për fillimin e bashkëpunimit me Maqedoninë dhe kyçjen e saj në katalogjet e tyre si destinacion turistik në vitrin 2017.
Maqedonia, siç ceket në kumtesë, në këtë panair i promovoi pasuritë natyrore dhe trashëgiminë kulturore të vendit, ndërsa drejtoresha e Agjencisë Lepa Kërstevska, ka realizuar intervista të shumta dhe pjesëmarrje në emisione të specializuara për turizëm si YNET, me qëllim të promovimit më të fuqishëm të vendit në këtë treg të ri. Ai u bëri ftesë për vizitë në Maqedoni turistëve potencial izraelitë.
Delegacioni i Agjencisë gjatë panairit ka realizuar takime me tur-operatorët izraelitë Arkia, Ofir Tours, Golden Tours, Tours 4 Groups, Gly Guy, NB Tours me çka disa prej tyre nga kjo sezonë janë të gatshëm ta kyçin Maqedoninë në ofertën e tyre turistike.
Stenda e Maqedonisë u vizitua edhe nga përfaqësues të ambasadës së Maqedonisë në Izrael, si dhe ambasadori Pajo Aviroviq, të cilët dukshëm kontribuan për promovim më efektiv të vendit në Izrael.