Arifi: BDI-së i duhet ende kohë për të menduar
Mandati i Gruevskit për formimin e Qeverisë skadon të dielën në mesnatë, ndërkaq BDI-së i duhet ende kohë për të menduar. Kështu ka deklaruar nënkryetarja e BDI-së, Teuta Arifi, mbrëmë në emisionin “Top Tema” në TV Telma, njofton Portalb.
Arifi gjithashtu theksoi se pa çështjen e gjuhës shqipe dhe Prokurorinë Speciale Publike, nuk mund të arrihet marrëveshje.
Arifi: BDI nuk e përkrahë fushatën kundër Sorosit
BDI nuk pajtohet edhe me paralajmërimin e VMRO-DPMNE-së dhe subjekteve tjera për “qërim hesapesh” me SOROS-in dhe organizatat joqeveritare të cilët e kritikojnë pushtetin.
“Nuk guxon të harrohet mbështetja e Fondacionit për Shoqëri të Hapur për pavarësimin e shteteve të Evropës Lindore në mesin e të cilave është e Maqedonia. Të gjithë ato bursa të cilat janë ndarë, kanë qenë në drejtim të ngritjes shkencore të qytetarëve tanë”, tha Arifi, duke shtuar se SHBA, megjithatë janë përkrahësit dhe miqtë tanë të mëdhenj. /Portalb