Ivanov kandidat i VMRO-DPMNE-së për president

Presidenti aktual Gjorge Ivanov sërish është zgjedhur për kandidat të VMRO-DPMNE-së në zgjedhjet për shef të shtetit që do të mbahen më 13 prill. Ivanov ka marrë mbështetje nga 1099 prej gjithsej 1.236 delegatëve, të cilët kanë qenë të pranishëm në konventën e sotme të partisë qeveritare.

Kundërkandidatë të Ivanovit ishin profesori universitar Jove Kekenovski, i cili fitoi 124 vota, magjistri i shkencave Bozhidar Noçev, mori një votë, ndërsa avokati dhe ish prokurori publik shtetëror Stavre Xhikov, dhjetë vota nga delegatët në konventë. Dy fletëvotime janë jovalide.