Kolegji Zgjedhor pritet të finalizojë zgjedhjen e Trumpit
Anëtarët e Kolegjit Zgjedhor të Shteteve të Bashkuara pritet të finalizojnë sot zgjedhjen e republikanit Donald Trump në postin e presidentit.
Vota e Kolegjit 538-anëtarësh është hapi i fundit në procesin zgjedhor të SHBA-së, transmeton REL.
Zgjedhësit në të 50 shtetet dhe në Uashington do të mblidhen në kryeqytetet e tyre dhe do të votojnë.
Jo të gjithë anëtarët e Kolegjit Zgjedhor janë të obliguar të votojnë për fituesin e zgjedhjeve në shtetin e tyre.
Për këtë arsye, disa demokratë dhe të tjerë kanë bërë përpjekje të bindin disa anëtarë të Kolegjit që të zgjedhin një tjetër republikan dhe jo Trumpin.
Mbështetësit e kësaj përpjekjeje thirren në raportet se hakerë, të mbështetur nga Qeveria ruse, kanë ndikuar fushatën presidenciale në SHBA, si dhe në dyshimet mbi marrëdhëniet biznesore të Trumpit.
