Kate Middleton me diademën e princeshës Diana
Kate Middleton ka shkëlqyer mbrëmjen e djeshme në Buckingham Palace teksa mbante veshur një fustan të kuq nga Jenny Packham dhe kurorën e princeshës Diana që në fakt ka bërë gjithë njerëzit të flasin për të.
Dukesha e Kembrixhit mbante mbi kokë diademën e preferuar të vjehrrës së saj në pritjen diplomatike të përvitshme që u mbajt mbrëmë. Lady Diana e ka marrë këtë kurorë dhuratë nga mbretëresha në vitin 1981. Edhe pse shpesh lidhet me Dianën, diadema është më shumë se një shekullore. Fillimisht është porositur nga mbretëresha Mary në vitet 1913-1914 dhe është prodhuar nga Garrard, argjendari i famshëm i familjes mbretërore britanike.
