Albafone shtrin rrjetin edhe në qytetin e Strugës
Qyteti i Strugës mban një nga rekordet përsa u përket përdoruesve të Albafone. Por që nga dita e sotme të gjithë albafolësit do të mund të drejtohen te saloni i Albafone Strugë.
Për të shënuar fillim të mbarë të punës, u ndanë 500 numra falas dhe kishte një interes të madh të njerëzve të interesuar. Dyqani gjendet në qendër të qytetit, në afërsi të Bankës Ekonomike.
Hapjen zyrtare e bënë bashkë kryetari i komunës së Strugës, z. Ziadin Sela bashkë me drejtorin ekzekutiv, z. Ardian R. Hoxha.
“Hapja e dyqanit në Strugë ka rëndësi të madhe për ne –shprehet drejtori ekzekutiv Ardian R. Hoxha, duam të rritemi bashkë ne si kompani dhe të kontriboujmë në ekonominë e Strugës në të njejtën kohë.”
“Ndjehem shumë mirë sot këtu mes motrave dhe vëllezërve që flasin shqip, muzikës shqipe dhe përgëzoj Albafonin për këtë lëvizje e cila është shumë më shumë se biznes”- përgëzoi kryetari Sela.
Produktet dhe shërbimet e tjera vijojnë dhe do të jenë shumë konkurrente si ofertat për komunikim ashtu edhe për telefona dhe pajisje tjera të komunikimit. Po pregaditen edhe ofertat e para për kompanitë shqiptare.
Albafone shumë shpejt do të hap dyqanet e veta në të gjitha qytetet shqiptare, jo më larg se data 24 shkurt hapet dyqeni në Dibër, dhe pas asaj edhe Kumanovë, Gostivar, Ohër, Kërçovë, Prespë dhe Manastir.