Aksident hekurudhor në Kamerun, 53 të vdekur dhe 300 të plagosur
Së paku 53 persona kanë humbur jetën dhe rreth 300 të tjerë janë plagosur në aksidentin hekurudhore në Kamerun, i cili ndodhi nga shkaku i daljes së trenit nga binarët, raporton Anadolu Agency (AA).
Fatkeqësia ka ndodhur në qytetin Eseka, 120 kilometra në perëndim nga kryeqyteti i Kamerunit, Yaundea. Ministri i Transportit në Kamerun, Edgard Alain Mene Ngoo, vizitoi vendin e aksidentit ku deklaroi se sipas të gjitha gjasave fatkeqësia ka ndodhur si pasojë e mbushjes mbi kapacitet të trenit me udhëtarë.
Zyrtarët e Hekurudhave të Kamerunit thanë se në trenin i cili ka kapacitet për 600 udhëtarë në kohën e aksidentit ka pasur 1300 udhëtarë në relacionin Yaounde – Douala.