SHGM-ja, do të monitorojë zbatimin e Ligjit për media

“Miratimi i ndryshimeve dhe plotësimeve të Ligjit për shërbime audio dhe audiovizive dhe ndryshimet dhe plotësimet e Ligjit për media, qeveria plotësoi obligimet që dalin nga pajtueshmëria e arritur me Shoqatën e gazetarëve të Maqedonisë”, thuhet në një komunikatë të lëshuar nga  SHGM-ja.

Ky është hap përpara në  drejtim të përmirësimit të përmbajtjes së ofruar të ligjeve, për të cilët SHGM dhe ekspertët  e huaj kanë vërejtje serioze. 

Sipas SHGM-sw, sjellja e qeverisë jep shpresë së në të ardhmen do të bëhen përpjekje shtesë për përmirësimin e përmbajtjes së ligjeve.

 Duke zbatuar pajtueshmërinë mediat e internetit plotësisht përjashtohen nga ligjet e medias, SHGM ka përfaqësues në Agjencinë e medias, çdo kufizim i përmbajtjes së mediave do të jetë në harmoni me praktikën e Gjykatës evropiane për të drejtat e njeriut dhe ndjeshëm  zvogëlohen obligimet e mediave të shtypura.

Përveç kësaj, në ligj inkorporohet një dispozitë  e re, e cila thekson se qëllimi i ligjit është për të promovuar lirinë e shprehjes dhe lirinë e mediave.

 SHGM-ja, thuhet në komunikatë,  do të monitorojë zbatimin e ligjit, veçanërisht të pjesëve të kontestuara, ndërsa nuk përjashton mundësinë që pas konsultimeve me ekspertë juridik, një pjesë të këtyre dispozitave t’i kontestojë para Gjykatës kushtetuese.