Kryeministri kroat vizitë dyditore në Shqipëri

Kryeministri kroat Zoran Milanoviç ndodhet në Tiranë ku po zhvillon një vizitë zyrtare dyditore.

Ai është pritur me një ceremoni shtetërore të organizuar në hyrje të Kryeministrisë nga kreu i qeverisë, Edi Rama, ndërkohë që në fund të këtij takimi pritet të organizohet edhe një konferencë e përbashkët për shtyp nga ana e dy kryeministrave.

Më vonë gjatë ditës, Kryeministri kroat pritet të zhvillojë takime edhe me Presidentin Bujar Nishani, Kryetarin e Kuvendit Ilir Meta dhe me kreun e opozitës, Lulzim Basha.