Zaev mori pjesë në Komitetin për Monitorim të Këshillit të Evropës
Kryetari i LSDM-së Zoran Zaev dje me ftesë të Komitetit të Monitorimit të Këshillit të Evropës mori pjesë në takimin e komitetit që u mbajt në Tiranë, Shqipëri, njofton Portalb.
Në takim, siç kumtoi LSDM, është biseduar për zhvillimin më të ri të ngjarjeve dhe shkallën e zbatimit të marrëveshjes së Përzhinos.
Në kuadër të dialogut post-monitorim me Republikën e Maqedonisë, që zhvillohet në kuadër të Këshillit të Evropës, Zaev, siç njoftojnë nga LSDM-ja, i ka shprehur pikëpamjet e veta për tejkalimin sa më të shpejtë dhe më të lehtë të krizës politike në Republikën e Maqedonisë.