Mbyllet numërimi i votave në Dibër, fiton Rama i PS
Është mbyllur numërimi i votave për kryetar bashkie në Dibër dhe fitues është kandidati i Aleancës për Shqipërinë Europiane Muharrem Rama.
Nga numërimi i 118 kutive rezulton se kandidati i majtë ka fituar me një rezultat të thellë.
Rama numëron 18.602 vota në favor të tij, kurse Shehu 14.435.
Pas përfundimit të numërimit të votave, nëpër rrugët e qytetit kanë nisur festimet nga simpatizantët socialistë për fitoren e kandidatit Rama.
Muharrem Rama ishte në këto zgjedhje përballë kandidatit të djathtë, Sherefedin Shehut.