Traditë e zezë: Edhe Urko i Gruevskit edhe Zekirov i Mijallkovit shkelën nga një jetë njeriu
Dejan Mitrovski – Urko dhe Alen Zekirov, përveç asaj që të dy kanë qenë sigurim personal të ish kryeministrit dhe liderit aktual të VMRO – DPMNE-së, Nikolla Gruevski, dhe të kushëririt të tij ose ish shefit të DSK-së, Sasho Mijallkov, të përbashkët e kanë edhe atë që, të dy janë të përfshirë në aksidente komunikacioni me pasoja fatale, njofton Portalb.
MPB, dje deklaroi se Prokuroria ka ngritur kallëzim penal kundër “Urkos”, për aksidentin e 27 korrikut, si pasojë e së cilës, rëndë u lëndua një motoçiklist 22 vjeçar, ndërkaq pas disa ditëve ndërroi jetë.
Ish sigurimi i Mijallkovit, Alen Zekirov, në vitin 2009, në bulevardin “Partinzan”, me motor e shkeli shkupjanin e moshuar 73 vjeçar, Simo Serafimovski, derisa ai e ka ngarë biçikletën në vizat e bardha për këmbësorët.
Procesi gjyqësor kundër Zekirov, ka zgjatur thuajse 6 vjet, për shkak të anulimeve të shumta, pasi që i njëjti nuk është paraqitur në Gjykatë, ndërkaq gjithashtu është vonuar edhe ekspertiza e aksidentit.
Zekirov në vitin 2014, u dënua më burg vetëm me gjashtë muaj, transmeton Portalb.
Pas aktgjykimit, nuk ka të dhëna se Zekirov a e ka mbajtur burgun, se a ka pasur ndonjë procedurë në gjykatë më të lartë dhe cili është rezultati (nëse ka pasur) nga ajo procedurë.
Një pjesë e portaleve, para ca kohësh publikuan një video – inçizim në rrjetin social “Instagram”, në të cilën, ashtu siç, thonin, “ja se si Zekirov, në bulevardin “Ilinden” vozitë me 200 kilometra në orë”, videon mund ta shihni më poshtë.