25-vjetori i PS-së, Rama: E ardhmja është në dorën tonë
Partia Socialiste në Shqipëri festoi sot 25-vjetorin e krijimit.
Kryetari i saj dhe njëkohësisht kryeministër i vendit, Edi Rama, tha në fjalën përshëndetëse se “e ardhmja është e gjitha në dorën tonë”.
“Reformat nuk do të mbeten në mes dhe vendi nuk do të kthehet prapa. E dimë që është e vështirë t’i kënaqësh të gjithë gjatë gjithë kohës, por jemi të fokusuar plotësisht te problemet e njerëzve”, deklaroi Rama.
Kreu i PS-së theksoi se “përmes reformave, po hedhim bazën e shtetit për të ndërtuar themele të qëndrueshme në çdo sektor”.
“Kemi ende shumë për të bërë. Kemi bërë gabime, por falë nesh vendi po ndryshon për mirë”, shtoi Rama, transmeton Top Channel.
