Bosnjë, namazi i Bajramit u fal në xhaminë e Gazi Husrev Beut në Sarajevë (FOTO)

Muslimanët në mbarë botën sot shënojnë ditën e parë të Fitër Bajramit i cili vjen pas agjërimit një muajsh. Manifestimi qendror i faljes së namazit të Bajramit në organizim të Bashkësisë Islame të Bosnjë e Hercegovinës (BeH) u mbajt në xhaminë e Gazi Husrev Beut në Sarajevë, ku namazi i Bajramit dhe hutben e mbajti Reis ul-ulemaja Husein -ef. Kavazoviç, raporton Anadolu Agency (AA).

Kavazoviç tha se botën sot e karakterizojnë lufta ekstreme për mbijetesë, epshi dhe lakmia që nuk ka fund, dhe shtoi se janë të paktë ata të cilët arrijnë një masë dhe ekuilibër gjatë rrugëtimit në jetën e tyre.

“Natyrisht, kjo rrugë është e vështirë dhe e mprehtë, kërkon këmbëngulje dhe sakrifica, në të cilën do të jetë edhe humbja edhe fitorja … Në këtë drejtim, ajo është më shumë frymëzues se thirrja Kur’anore: ‘Ai që para Zotit qëndron me frikë dhe pasion të përmbajtur, qëndrimi në xhennet do të jetë i sigurt’. Këtë udhëtim shpirtëror që kemi përjetuar në Ramazan, kemi nevojë edhe më vonë gjatë këtij muaji”, ka thënë Kavazović.

– Bashkësinë e përcakton rritja e besimit dhe gjuha 

Bajrami i shndrit me gëzim dhe mbush shtëpitë, oborret dhe vendin e bukur. “Ne duhet të mendojmë për popullin dhe të ardhmen e tij”, ka thënë Kavazoviç duke shtuar se “jeta ka kërkesat e veta; ai dëshiron të rritet dhe të zhvillohet. Kjo është e njëjtë me komunitetin dhe njerëzit. Çdo brez ka mbajtur rrugëtimin e tij shpirtëror, duke i lënë gjurmët e tij në terren dhe në atë kohë”.

“Bashkësinë e përcakton rritja e besimit të Zotit dhe gjuha e të parëve, me të cilët janë transmetuar sekretet dhe vlerat e së kaluarës. Në këto vlera ne po ndërtojmë bashkimin tonë. Nëse kjo gjeneratë nuk lë pas vetes dhuntinë shpirtërore, pyetem se nga çka do të jetojë më pas. Ajo duhet të jetë shqetësimi i njerëzve të mençur në komunitetin tonë”, tha ai.

– Ndaj krimeve nuk guxojmë të heshtim 

Një pjesë të hutbes së Bajramit reisi Kavazoviç ia kushtoi Srebrenicës, në të cilin edhe këtë vit më 11 korrik do të shënohet përvjetori i gjenocidit mbi boshnjakët në vitin 1995 dhe organizimi i një funerali kolektiv dhe varrimi i viktimave të këtij krimi.

“Dhuna ndaj njerëzve është krim ndërsa dhuna ndaj fëmijëve është krimi më i madh që mund të kryhet. A duam të heshtim në lidhje me të? A mund të bien dakord që të mohohet një i pafajshëm i vrarë dhe dinjiteti që i përket atij; të bëhet robër i vdekur, për të mohuar viktimën duke madhëruar krimin dhe çdo gjë të heshtet në heshtje, pa moral dhe përgjegjësi? Vallë Srebrenica nuk ishte dhembja jonë më e madhe dhe kujtesa jonë e qëndrueshme?”, tha Reisi Husein ef. Kavazoviç.

Në hutbe gjithashtu porositi muslimanët të jetojnë në paqe, të bëjnë të mira, të mos flasim dhe të mos përhapin të pavërteta.

“Asnjëherë mos uzurponi të drejtën e dikujt dhe mos rrezikoni njerëzit dhe pasurinë e tyre”, tha ai.