LD: Vrasësi i Almirit të del para organeve gjyqësore dhe ta merr dënimin e merituar

Lidhja Demokratike e dënon vrasjen e Almirit, si dhe tentimin për vrasjen e prindërve të tij në Kumanovë dhe kërkon të zbatohet hetim i tërësishëm, ndërsa vrasësi të del para organeve gjyqësore dhe ta merr dënimin e merituar”, kumtuan pasdite nga LD-ja.

Sipas tyre, në këtë rast nuk duhet të kërkohet dimension etnik ose tjetër, por se bëhet fjalë për vrasje qyqare të djalit të pafajshëm. “Kjo vrasje e gjakftohtë duhet të dënohet nga të gjithë dhe duhet të bëjmë çmos që të mos përsëritet”, thuhet në kumtesën e LD-së.

Nga LD presin reagim të shpejtë dhe efektiv të institucioneve.