Ministri i Brendshëm Çavkov paralajmëron lëndë të re për Çaushin

Ministri i Brendshëm Mitko Çavkov njoftoi për procedura të reja kundër Zahir Bekirit- Çaush.

Në pyetjen e televizionit Alsat M, se përse pavarësisht deklarimeve se janë gjetur biseda të përgjuara te Çaushi , ato nuk janë përmendur zyrtarisht në aktakuzën kundër tij, Çavkov tha se ka ende çështje aktuale dhe dëshmi të cilat ndoshta në të ardhmen do të përpunohen në një procedurë tjetër.

Formalisht, sipas ligjit të Maqedonisë, hetimin e udhëheq Prokuroria Publike e Maqedonisë.

Çaush u dënua muajin e kaluar, por vetëm për falsikim të dokumenteve, ndërkohë që në opinion u dhanë deklarata se ka pasur biseda të përgjuara, një numër të madh të jelekëve antiplumb dhe sende tjera të paligjshme.