Grekët tërbohen me sallën e hartave në Kryeministri: Rama provokoi me territoret tona!

Mediat greke kanë reaguar pas fotos të publikuar nga kryeministri shqiptar, ku shfaqet Edi Rama me ministrin grek Kotzias dhe pas tyre është harta e vjetër e trojeve shqiptare.

Këtu i referohemi takimit të mbajtur dy ditë më parë, ku kryeministri Rama priti në një takim ministrin e Jashtëm të Greqisë, Nikos Kotzias.

Takimi në fjalë mes Ramës dhe Kotzias u zhvillua në sallën e hartave në Kryeministri. Kaq ka mjaftuar që ky veprim të merrej si provokim nga fqinjët tanë, të cilët shkruajnë se kufiri tek hartat e vjetra në Kryeministri, përfshin edhe territore greke.

“Cili ishte reagimi i ministrit grek? Absolutisht asgjë! E dinte që do të fotografohej? Sigurisht që po!”, shkruan ndër të tjera portali grek “Epirus Post”.

Sakaq portali tjetër grek “Newsbomb.gr” shkruan: “Nuk e dinte z.Kotzias se çfarë harte ishte ajo? Nuk u befasua që rajonet greke janë përfshirë në hartë? Pse nuk reagoi? Përse nuk e pyeti kryeministrin shqiptar për hartën, në vend që të buzëqeshte për fotografinë? Së fundi, a ka politikë të jashtme në këtë vend? A ka diplomaci greke? Populli grek kërkon shpjegime”, transmeton Albeu.com