Aksident masiv në autostradën Tiranë-Durrës

Një aksident masiv ka ndodhur paraditen e sotme në autostradën Tiranë-Durrës.

Mësohet se pesë automjete janë përplasur me njëra-tjetrën, duke pësuar dëme materiale.

Aksidenti është ndikuar edhe nga trafiku i madh që ishte krijuar sot në këtë aks rrugor, si pasojë e fluksit të automjeteve drejt plazhit të Durrësit.

Fatmirësisht nuk ka pasur lëndime serioze ndërkohë që policia po punon për normalizimin e situatës së trafikut, transmeton Shekulli.