Ish deputeti i LSDM-së plagoset me plumb qorr
Ish deputeti, funksionar i LSDM, Borçe Petkovski nga Manastiri është plagosur me plumb në këmbë.
Ngjarja ka ndodhur në lagjen Karposhit në qytetin e Manastirit, gjatë kohës kur Petkovski ka qenë duke biseduar me të njohurit e tij.
LSDM-së për TV21 ka vërtetuar se anëtari i tyre nuk ka qenë shënjestër e sulmit, por është goditur rastësisht nga një plumb qorr.
SPB-ja e Manastirit e ka inspektuar vendin e ngjarjes dhe paralajmërojnë hetim për rastin në fjalë. Deri më tani nuk dihet kush ka shtënë. Ndërkaq Petkovski menjëherë pas kësaj fatkeqësie është dërguar në spital dhe sipas informacioneve, i njëjti gjendet jashtë rrezikut për jetë, pas çka edhe është liruar në trajtim shtëpiak.
