Këngëtarja me një vajzë 22 muajshe, bëhet nënë për herë të dytë

Kelly Clarkson dhe bashkëshorti i saj Brandon Blackstock janë bërë prindër të fëmijës së tyre të dytë, një djalë, të martën e kaluar. Lajmin e ka bërë të ditur vetë këngëtarja në Twitter, më e lumtur sesa kurrë

“Djali ynë i vogël erdhi!! Remington Alexandeder Blackstock lindi më 12. 4. 16 & është i shëndetshëm & ne nuk mund të jemi më të lumtur dhe të dashuruar sesa kaq!” shkruante Clarkson, 33 vjeçare.

Clarkson, që është tashmë nënë e një vajze 22 muajshe River Rose me Blackstock, e bëri të ditur shtatzëninë e saj të dytë gjatë një koncerti në gusht të vitit 2015 në Staples Center Los Angeles. Ajo ndërpreu këngën dhe i tha publikut që ishte shtatzënë