Shyrete Elezi mori funksionin e ministres së vetëqeverisjes lokale
Shyrete Elezi zyrtarisht filloi punën në Ministrinë për vetëqeverisje lokale. Sot ajo e mori detyrën nga paraardhësi i saj, Lirim Shabani.
Në pranim-dorëzimin e detyrës, Shabani e informoi ministren Elezi mbi aktivitetet e deritashme në këtë ministri, me projektet e realizuara gjatë mandatit të tij, si dhe me fushëveprimin e kësaj ministrie, duke nënvizuar vazhdimësinë e projekteve në ecuri, punëve që kanë të bëjnë me decentralizimin e pushtetit, zhvillimin rajonal dhe bashkëpunimin ndërkufitarë të Maqedonisë.
Shyrete Elezi mban titullin doktor i shkencave ekonomike ndërsa vjen nga komuna e Gostivarit ku ka udhëhequr Sektorin për financa dhe buxhet të kësaj komune.