“Most”: Policia financiare ka kërkuar dokumentacion prej nesh

S. B. 13:38, 06-04-2016

Asociacioni civil “Most” të hënën ka marrë njoftim për vizitë nga policia financiare, pas çka kanë pasur takim ku janë kërkuar dokumente për punën e saj financiare, njofton Portalb.

“Kemi pasur një bisedë konstruktive dhe korrekte me inspektorët e policisë financiare. Ata ishin preciz në kërkesat e tyre rreth dokumentacionit që e kërkuan. Na dhanë disa ditë kohë për t`i përgatitur dokumentet e nevojshme që pastaj t`i shqyrtojnë”, deklaroi Aleksov.

Informacionin se inspektorë të policisë financiare kanë hyrë në OJQ-në e njoftoi eksperti belg Piter Vanhojte në profilin e tij në Tuiter ku shkroi: “Shpërblim për qeverinë për dërgimin e policisë financiare që të hesht organizatë joqeveritare që është kritike për përgatitjen e zgjedhjeve”.

A reward for the Government sending financial inspection to silence NGO critical about election preparations. pic.twitter.com/YCBF9OF2Dp

— Peter Vanhoutte (@peter_vanhoutte) April 5, 2016

Në lidhje me spekulimet që u paraqitën se ndonjë personit i janë dërguar dhjetëra mijë euro, Aleksov tha se ata kanë pasur angazhime profesionale me ekspertë vendor dhe të huaj që janë paguar sipas marrëveshjeve të tyre.