Gjenden dy turistët e humbur malin e Korabit
Dy turistët e huaj të raportuar të humbur në malin e Korabit janë gjetur, pasi vetë ata kanë kontaktuar me policinë, e cila ishte vënë në kërkim të tyre, pasi që prej ditës e djeshme kishte humbur kontaktin me ta.
Policia ka konfirmuar se turisti çek dhe ai francez, janë në gjendje të mirë shëndetësore.
Policia e Dibrës kishte nisur kërkimet dje gjatë orëve të mbrëmjes pranë në fshatit Radomir të Dibrës, ku ata ishin parë për herë të fundit, transmeton tvklan.al.