Tetovë, gjendet një vajzë pa shenja jete në shtëpi
Një vajzë dymbëdhjetëvjeçare pa shenja jete është gjetur dje në shtëpinë e familjes në fshatin Vratnicë të Tetovës.
I ati i të ndjerës, pasi ka arritur në shtëpi, me dhunë e ka hapur derën e banjos pasi nuk ka pasur përgjigje dhe të ndjerën e ka vërejtur të shtrirë në dysheme pa shenja jete.
Rastin në stacionin policor Tetovë në orën 22:40 e kanë paraqitur nga Spitali Klinik Tetovë. Siç informojnë nga MPB-ja, vdekja është konstatuar nga mjeku i mjekësisë ligjore, ndërsa nga kontrolli i jashtëm i kryer tek trupi i të ndjerës është konstatuar lëndim si formë e ënjtjes në pjesën e pasme të kokës.
Ekspertizë në vendin e ngjarjes ka kryer prokurori publik dh ekipi nga SPB-Tetovë. Pas urdhrit të prokurorit publik trupi i të ndjerës do të dorëzohet për obduksion.