VMRO-DPMNE: LSDM-ja sërish kërkon alibi për shtyrjen e zgjedhjeve
LSDM-ja nuk do të ketë sukses në skenarin e fundit me të cilin dëshiron sërish të kërkojë alibi për ikje nga zgjedhjet, për shtyrjen e zgjedhjeve ose për mosnjohjen e rezultateve, reagon VMRO-DPMNEja në deklaratën e sotme të nënkryetarit të LSDMsë Damjan Mançevski. Sipas VMRO-DPMNEsë, të gjithëve u janë të qarta gënjeshtrat e LSDMsë dhe trillimet dhe konstruksionet të cilat kjo parti vazhdimisht i bën, arsyetimet e zbrazëta dhe tentimet e LSDMsë sipas çdo çmimi që të sabotohet funksionimi i shtetit. Kësaj, siç theksohet, fundi i vjen më 5 qershor.
Fantom, siç qëndron në kumtesën e VMRO-DPMNEsë është anëtari i çdo familje të cilin Radmilla Shekerinska dhe LSDMja treguan se do ta punësojnë, fantome është hekurudha që LSDMja nuk e ndërtoi drejt Bullgarisë, fantome është zona industriale Saçevo në Strumicë në të cilën nuk ka asnjë informacion nga 3.000 punësimet në 300 kapacitete të cilat i premtoi Zaevi.
“Nuk janë fantomë gjysmë milionë shtetas të Maqedonisë të cilët nuk e mbështesin politikën e destruksionit, manipulimin dhe fabrikimin e aferave të LSDMsë, aktiviteti i vetëm i kësaj partie me vite mbrapa. Nuk janë fantomë qytetarët të cilët nëntë cikle zgjedhore ia japin mbështetjen VMRO-DPMNEsë e cila punon dhe realizon mijëra projekte reale në dobi të qytetarëve dhe të cilët dorëzojnë llogari dhe dënim për LSDMnë sepse përveç skenarëve destruktiv me të cilat mundohet të jetë në krizë të vazhdueshme, nuk ka çka të ofrojë para qytetarëve”, theksohet në kumtesën e VMRO-DPMNEsë.