Trupat izraelite vrasin një palestinez në Hebron të Bregut Perëndimor
Ministria e Shëndetësisë në Palestinë, ka njoftuar se një i ri palestinez është vrarë të shtunën pas një pretendimi se kishte sulmuar një ushtar izraelit në territorin e okupuar nga Izraeli, në Bregun Perëndimor, raporton Anadolu Agency (AA).
Ministria palestineze e Shëndetësisë ka konfirmuar se 17 vjeçari Abdullah al-Ajouli është vrarë nga trupat izraelite në Hebron, ku ka shtuar se në trupin e viktimës kishte së paku 20 plumba.
Sipas ministrisë, ushtarët izraelit kishin penguar ambulancën të trajtojë të plagosurin palestinez duke e lënë të shtrirë në tokë deri sa ka ndërruar jetë.
Në bazë të shifrave palestineze mbi 200 palestinezë janë vrarë nga trupat izraelite në valën e dhunës e cila ka nisur tetorin e kaluar.
Izraeli nga ana tjetër thotë se 33 izraelit janë vrarë në periudhën e njëjtë nga sulmet e palestinezëve.
